«Վագներ» մասնավոր ռազմական կազմակերպության ղեկավար Եվգենի Պրիգոժինին պատկանող ինքնաթիռում պայթյուն է տեղի ունեցել, որը հանգեցրել է ինքնաթիռի կործանմանը։ Գրել է The New York Times-ը։
Ըստ թերթի՝ ամերիկյան և արևմտյան այլ պաշտոնյաներ հայտնել են, որ ինքնաթիռում, ամենայն հավանականությամբ, տեղի է ունեցել պայթյուն:
«Պայթյունը կարող էր լինել օդանավում տեղադրված ռումբի կամ այլ սարքի պատճառով, թեև դիտարկվում են այլ վարկածներ, օրինակ՝ վառելիքի կեղծումը»,- գրել է NYT-ն։
Ամերիկացի պաշտոնյան CBS News-ին ասել է, որ «շատ քիչ հավանական է» թվում, որ Պրիգոժինի ինքնաթիռը խոցվել է զենիթային հրթիռով, և որ ամենահավանական պատճառը, ըստ երևույթին, պայթյունն է: «Պայթյունի պատճառը հայտնի չէ, թեև կարող է ռումբ եղած լինել»,- ասել է պաշտոնյան։
Օգոստոսի 23-ի երեկոյան ՌԴ Տվերի մարզում մասնավոր ինքնաթիռի կործանման հետևանքով զոհվել է 10 մարդ, այդ թվում՝ «Վագներ» մասնավոր ռազմական ընկերության հիմնադիրը Եվգենի Պրիգոժինը և «Վագների» հրամանատար Դմիտրի Ուտկինը։
Ավիաաղետը տեղի է ունեցել Տվերի մարզի Բոլոգովսկի շրջանում՝ Կուժենկինո բնակավայրի մոտակայքում։ Ինքնաթիռը Մոսկվայից թռչում էր Սանկտ Պետերբուրգ։
