«Հանուն Հանրապետության» կուսակցության նախագահ Արման Բաբաջանյանը գրել է.
«Երբ Արցախը հանրայնացնում է «լավրովյան առաջարկները», զուգահեռ պետք է հայտարարի կարգավորման իր պարամետրերն ու սկզբունքները:
Ավելին, Արցախը պետք է թերևս հայտարարի, որ պատրաստ է այդ առաջարկների շուրջ խոսակցություն սկսել ոչ միայն Ադրբեջանի, այլ առաջարկը ստացած ցանկացած սուբյեկտի հետ, և նույնիսկ Հայաստանի, որին ևս պետք է առաջարկները ներկայացնել պաշտոնապես:
Իհարկե միամտություն կլինի կարծել, թե առաջարկների և քննարկումների պատրաստակամության հանրայնացումից հետո Բաքուն, կամ որևէ այլ կողմ պաշտոնապես նստելու է Արցախի հետ քննարկման:
Պարզապես, դա կարող է լինել պատասխանատվության առարկայական միջավայր ձևավորելու նվազագույն քայլ, որ կանի Արցախը:
Հազիվ թե Ստեփանակերտը չի գիտակցում դա, պարզապես հարցն այն է, թե որքանով է արցախյան հասարակական-քաղաքական վերնախավը պատրաստ իր լիարժեք պատասխանատվությանը, այլ ոչ թե ազգային-ազատագրական կամ հայրենասիրական պաթոսով ներքին «հաշիվներ մաքրելուն»»:
