Ֆրանսիայի նախագահ Էմանուել Մակրոնն այսօր Ֆրանսիայի դեսպանների համաժողովի ժամանակ խոստացել է «դիվանագիտական նախաձեռնությամբ» հանդես գալ՝ փորձելով վերացնել Ադրբեջանի կողմից Լաչինի միջանցքի՝ Հայաստանը Լեռնային Ղարաբաղին կապող միակ ճանապարհի, մշտական արգելափակումը:
«Այս շաբաթ հնարավորություն կունենամ քննարկում ունենալ Հայաստանի վարչապետ Փաշինյանի և Ադրբեջանի նախագահ Իլհամ Ալիևի հետ։
Մենք կպահանջենք լիակատար հարգանք Լաչինի մարդասիրական միջանցքի նկատմամբ և այս ուղղությամբ կրկին դիվանագիտական, միջազգային նախաձեռնությամբ հանդես կգանք՝ ճնշումը մեծացնելու համար», – հայտարարել է Մակրոնը։
