Հայաստանի ֆուտբոլի ազգային հավաքականի ու «Արարատ-Արմենիայի» ֆուտբոլիստ Արթուր Սերոբյանը, որը վարձավճարով հանդես կգա պորտուգալական «Կասա Պիա» ակումբում, լրագրողների հետ զրույցում խոսել է ինչպես նոր թիմի, տեղափոխության, այնպես էլ հավաքականի առաջիկա խաղերի մասին, փոխանցում է Armsport-ը։
-Առաջիկա խաղերից ի՞նչ սպասելիքներ ունես, հավաքականում ի՞նչ մթնոլորտ է տիրում։
-Հիանալի մթնոլորտ է։ Բոլորս բարձր տրամադրությամբ նախապատրաստվում ենք Թուրքիայի դեմ կարևորագույն խաղին։ Խաղի կարևորությունը բոլորս հասկանում ենք։ Պատրաստվում ենք հաղթանակի։
-Թիմն ինչի՞ է ունակ։
-Բոլորս շատ լավ մարզավիճակում ենք գտնվում։ Վերջին երկու խաղերը դա ցույց տվեցին։ Ամեն ինչ անելու ենք, որ առաջիկա խաղերում հասնենք մեր ցանկալի արդյունքին։