2023-09-05
ՌԴ-ն հանդես է գալիս ինչպես Լաչինով, այնպես էլ Աղդամով օգնության տրամադրման օգտին
ՌԴ-ն հանդես է գալիս Լաչինի և Աղդամի «երթուղիներով» հումանիտար օգնության անխոչընդոտ հասանելիության օգտին։ Այս մասին իր ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք գործում ենք Ռուսաստանի Դաշնության, Ադրբեջանի և Հայաստանի ղեկավարների միջև 2020-2022 թվականներին կնքված համապարփակ եռակողմ համաձայնագրերին համահունչ։
Մենք հանդես ենք գալիս Լաչինի և Աղդամի երթուղիներով հումանիտար օգնության անխոչընդոտ հասանելիության օգտին և միևնույն ժամանակ կոչ ենք անում խուսափել այս հարցի անհարկի քաղաքականացումից»,- ասել է նա։
Զախարովան նաև հայտնել է, որ ռուսական կողմը արտաքին գործերի, պաշտպանության նախարարությունների և համապատասխան այլ գերատեսչությունների միջոցով մշտական կապի մեջ է բոլոր շահագրգիռ գործընկերների հետ և քայլեր է ձեռնարկում Լեռնային Ղարաբաղում հումանիտար ճգնաժամի կարգավորման ուղղությամբ։
Նմանատիպ Նյութեր