ԵՄ-ն շարունակում է աջակցել Հայաստանի դատական և հակակոռուպցիոն բարեփոխումներին:
Սեպտեմբերի 27-ին Հայաստանում ԵՄ դեսպան Անդրեա Վիկտորինը, ՀՀ արդարադատության նախարար Ռուստամ Բադասյանը և Իրավաբանների հայկական ասոցիացիա / Armenian Lawyers’ Association-ի նախագահ Կարեն Զադոյանը ողջույնի խոսքով են հանդես եկել «ՀՀ դատական և իրավական բարեփոխումների 2019-2023 թթ ռազմավարությունը հանրային վստահության բարձրացման համատեքստում» քաղաքացիական հասարակություն-կառավարություն համաժողովի ընթացքում:
Միջոցառումը կազմակերպվել էր ԵՄ կողմից ֆինանսավորվող «Կառուցողական երկխոսության հանձնառություն»` 2 միլիոն եվրո բյուջե ունեցող դրամաշնորհի շրջանակում: Դեսպան Վիկտորինը վերահաստատել է, որ ԵՄ-ի համար բոլոր բարեփոխումների գործընթացների առանցքային բաղադրիչը մշտապես եղել է քաղաքացիական հասարակության դերը: ԵՄ-ն պատրաստ է շարունակել աջակցել քաղաքացիական հասարակությանը:
