14:28 May 18, 20242023-09-09
Արցախի իշխանությունները թույլ կտան ռուսական բեռների մուտքը Աղդամի ճանապարհով
Ռուսաստանի Դաշնության կառավարությունը հանդես է եկել Արցախի Հանրապետությանը հումանիտար օգնություն տրամադրելու նախաձեռնությամբ՝ հաշվի առնելով մեր հանրապետությունում ստեղծված հումանիտար ճգնաժամը: Այս մասին հայտնում են ԱՀ տեղեկատվական շտաբից։
Օգնությունը, որը պարունակում է ռուսական արտադրության կենսական նշանակության ապրանքներ, օրերս Արցախ է ուղարկվել ռուսական Կարմիր խաչի միջոցով՝ այդ կազմակերպության մեքենաներով:
Արցախի Հանրապետության իշխանությունները, ելնելով Ադրբեջանի կողմից իրականացվող լիակատար շրջափակման հետևանքով առաջացած սուր հումանիտար խնդիրները մեղմելու անհրաժեշտությունից, որոշել են թույլ տալ Ասկերան քաղաքով ռուսական բեռների մուտքը մեր հանրապետություն:
Միաժամանակ ձեռք է բերվել պայմանավորվածություն, համաձայն որի՝ Լաչինի միջանցքով վերականգնվելու են հումանիտար բեռնափոխադրումները ռուս խաղաղապահների ու Կարմիր խաչի միջազգային կոմիտեի կողմից:
Հիշեցնենք` Ադրբեջանի Կարմիր մահիկի և ռուսական Կարմիր Խաչի համագործակցությամբ ՌԴ կառավարությունը 1 բեռնատար հումանիտար օգնություն է ուղարկել Լեռնային Ղարաբաղ։
Թիվ 1
Նմանատիպ Նյութեր
