Որևէ մեկը չի ասել, որ խաղաղության փաստաթուղթը հեշտ է տրվելու. Հովհաննիսյան

«Որևէ մեկը չի ասել, որ խաղաղության և հարաբերությունների կարգավորման փաստաթուղթը հեշտ է տրվելու»,- այս մասին խորհրդարանական ճեպազրույցների ժամանակ ասաց ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը՝ մեկնաբանելով հայ-ադրբեջանական հարաբերությունների կարգավորման բանակցությունների՝ փակուղում լինելու դիտարկումը։

Հովհաննիսյանը նշեց, որ բազմաթիվ դրվագներով Հայաստանի և Ադրբեջանի մոտեցումները իրարից հեռու են, բայց միևնույն ժամանակ նշեց, որ գործընթացը շարունակվում է, և ոչինչ փակուղում չէ, որքան էլ իրավիճակը բարդ է, և սահմանին կան կուտակումներ։