Դառը ճշմարտությունն ասելը հեշտ գործ չէ, բայց փորձենք. փորձագետ

Ռազմաքաղաքական հարցերով փորձագետ Արմինե Մարգարյանը գրել է.

Դառը ճշմարտությունն ասելը հեշտ գործ չէ, բայց փորձենք:

Հրադադարի տեքստում նշվում է Արցախից Հայաստանի Հանրապետության զինված ուժերի դուրս բերման մասին, որպեսզի վաղը ՄԱԿԱԽ նիստի ընթացքում Հայաստանը, կամ միջազգային դերակատարները չկարողանան այլևս Ադրբեջանին մեղադրել՝

✔️Արցախում ռազմական գործողություններ սկսելու մեջ,

✔️Արցախում էթնիկ զտում իրականացնելու մեջ: Չկարողանան նաև նախաձեռնել՝

✔️որևէ պատժամիջոցի գործընթաց Ալիևյան ռեժիմի նկատմամբ,

✔️Արցախում որևէ միջազգային խաղաղապահ առաքելության գործընթաց:Այլ կերպ ասած, այս ձևակերպմամբ փորձ է արվում վաղը ՄԱԿԱԽ-ում՝

✔️լեգիտիմացնել Ադրբեջանի ռազմական գործողությունները Արցախում,

✔️ռազմական գործողությունների համար Ադրբեջանին դատապարտած միջազգային դերակատարներին, ինչպես նաև Հայաստանի Հանրապետությանը զրկել որևէ համոզիչ փաստարկից և հետագա գործառույթներից: