Այսօր Հայաստանի անկախության օրն է

Այսօր սեպտեմբերի 21-ն է՝ Հայաստանի անկախության տոնը։

1990թ. օգոստոսի 23-ին ՀԽՍՀ Գերագույն խորհուրդն ընդունեց անկախության հռչակագիրը։

Իսկ արդեն 1991թ. այս օրը Հայաստանում անցկացվեց անկախության հանրաքվե։

«Համաձա՞յն եք, որ Հայաստանի Հանրապետությունը լինի անկախ և ժողովրդավարական պետություն՝ ԽՍՀՄ-ի կազմից դուրս» հարցին կողմ էր քվեարկել մասնակիցների գերակշիռ մեծամասնությունը։

Հանրաքվեին մասնակցելու իրավունք ունեցող 2 մլն 163 հազար 967 մարդուց քվեարկությանը մասնակցել էր 2 մլն 56 հազար 792-ը, այսինքն՝ քաղաքացիների 95,5%–ը: Երկրի անկախությանը կողմ էր քվեարկել 2 մլն 42 հազար 617 հոգի (99,56%), դեմ՝ ընդամենը 0,46%-ը:

Արդեն սեպտեմբերի 23-ին Հայաստանի Գերագույն Խորհուրդը հաստատեց հանրաքվեի արդյունքները՝ հանրապետության ելքը ԽՍՀՄ-ի կազմից։