Ադրբեջանի պետական լրատվամիջոցները հաղորդում են Բաքվում գտնվող «ռազմավարի պուրակի» համալրման մասին։ Այս մասին հայտնում է «Ազատությունը»։
Այս պուրակը կառուցվել է 44-օրյա պատերազմից անմիջապես հետո, որտեղ տեղադրված են հայկական զինուժից գրավված զինտեխնիկան, նվաստացուցիչ վիճակում պատկերված են հայ զինծառայողներ՝ շղթայված բանտախցում։
Ավելի վաղ ՄԱԿ-ի միջազգային դատարանը Ալիևի վարչակազմից պահանջել էր հեռացնել պուրակի որոշ ցուցանմուշներ, որոնք ազգային ատելության և խտրականության տարրեր են պարունակում։
Ադրբեջանի կառավարությունը վստահեցրել էր, թե կատարել է այդ պահանջը, մինչդեռ այսօր ադրբեջանական աղբյուրները, այդ թվում՝ ԱՊԱ գործակալությունը հայտնում է, որ Ստեփանակերտից նոր «ցուցանմուշներ» են տեղափոխվել այդ պուրակ, և «մարդիկ այցելում են դիտելու»։
