Իրանի ԱԳՆ պաշտոնական ներկայացուցիչ Էսմայիլ Բաղային հայտարարել է, որ Հորմուզի նեղուցով անվտանգ նավագնացության ապահովումն անհրաժեշտ, բայց ոչ բավարար պայման է ջրային ուղու բացման համար։
Թեհրանում կայացած ճեպազրույցի ժամանակ նա շեշտել է, որ նեղուցը փակված չէ Իրանի և Օմանի միջև կարծիքների տարբերության պատճառով։
Ըստ իրանցի պաշտոնյայի՝ Հորմուզի նեղուցը խնդիրների է բախվել դեռևս անցյալ տարվա մարտին՝ ԱՄՆ-ի և Իսրայելի ռազմական ագրեսիայի հետևանքով:
Պաշտոնյան նաև ասել է, որ ներկայումս ԱՄՆ-ի հետ բանակցություններ չեն ընթանում։
«Մենք ներկայումս բանակցություններ չենք վարում ԱՄՆ-ի հետ, իսկ Օմանի հետ բանակցությունները կենտրոնացած են Հորմուզի նեղուցով նավերի անվտանգ անցման վերաբերյալ համաձայնության հասնելու վրա»,- ընդգծել է նա։
