Ցեղասպանության կանխարգելման հարցերով ՄԱԿ-ի գլխավոր քարտուղարի հատուկ խորհրդական, ԳՔ տեղակալ Ալիս Վաիրիմու Նդերիտուն հայտարարություն է տարածել, մտահոգություն հայտնել Լեռնային Ղարաբաղի դեմ Ադրբեջանի վերջին ռազմական գործողությունների կապակցությամբ:
Նա ընդգծել է հետագա բռնությունների կանխարգելման կարևորությունը։ «Ռազմական գործողությունները կարող են միայն սրել իրավիճակը և ցեղասպանության վտանգ ստեղծել»,- նշել է Նդերիտուն։
ՄԱԿ-ի գլխավոր քարտուղարի հատուկ խորհրդականը նաև մտահոգություն է հայտնել, որ տարածաշրջանում հաճախակիացել են ատելության և թշնամանքի նարատիվները:
Նա կոչ է արել կառուցողական երկխոսություն վարել՝ հարգելով մարդու իրավունքները, ինչպես նաև վերաբացել Լաչինի միջանցքը՝ ապահովելու մարդկանց տեղաշարժը:
