Երեւանցիներն այսօր՝ սեպտեմբերի 23-ին, ծաղիկներ են տանում Հայաստանում ՌԴ դեսպանության մոտ՝ ռուս զինվորների հիշատակին, որոնք զոհվել են Արցախի դեմ Ադրբեջանի սանձազերծած լայնածավալ ագրեսիայի հետեւանքով։
Քաղաքացիներից ոմանք հայտնում են, որ ցնցված են Արցախում ռուս զինվորների զոհվելու պատճառով։
Իրադրությունը սեպտեմբերի 23-ի ցերեկը Ռուսաստանի դեսպանության մոտ հանգիստ է, ոստիկանության ուժեղացումը, ինչը կար վերջին ժամանակներս դեսպանության առջեւ, հանվել է։
Զոհված խաղաղապահների մարմինները երեկ տեղափոխվել են Երեւան։
Ավելի վաղ Հայաստանում ՌԴ դեսպանությունը հայտարարել էր այն մասին, որ Արցախում խաղաղապահ առաքելության իրականացման ժամանակ զոհվել է 6 զինծառայող, եւս մի քանի հոգի տարբեր ծանրության վիրավորումներ է ստացել։
ՌԴ ՊՆ-ն սեպտեմբերի 20-ին տեղեկացրել էր, որ դիտորդական դիրքից վերադառնալիս հրազենով գնդակոծվել է ռուս խաղաղապահների ավտոմեքենան։ Ավելի ուշ RT գլխավոր խմբագիր Մարգարիտա Սիմոնյանը տեղեկացրել էր ռուս 5 խաղաղապահների զոհվելու մասին։
