ԱՄՆ պետքարտուղար Էնթոնի Բլինքենը վերահաստատել է ԱՄՆ աջակցությունը Հայաստանի ինքնիշխանությանը, անկախությանը և տարածքային ամբողջականությանը։
«Պետքարտուղարը հայտնել է ԱՄՆ-ն խորը մտահոգությունը ԼՂ- ում էթնիկ հայ բնակչության վերաբերյալ։
Նա ընդգծել է, որ Միացյալ Նահանգները կոչ է անում Ադրբեջանին պաշտպանել խաղաղ բնակիչներին և պահպանել ԼՂ բնակիչների մարդու իրավունքներն ու հիմնարար ազատությունները հարգելու իր պարտավորությունները, ինչպես նաև ապահովել իր զորքերի համապատասխանությունը միջազգային մարդասիրական իրավունքին», – ասվում է Պետքարտուղարության հաղորդագրությունում:
