Լեռնային Ղարաբաղի էթնիկ հայերը կմեկնեն Հայաստան, քանի որ չեն ցանկանում ապրել Ադրբեջանի կազմում և վախենում են էթնիկ զտումներից: Reuters-ին ասել է Արցախի նախագահի խորհրդական Դավիթ Բաբայանը:
«Մեր ժողովուրդը չի ուզում ապրել Ադրբեջանի կազմում, 99,9%-ը նախընտրում է լքել մեր պատմական հողերը»,- նշել է Բաբայանը։ Նա ասել է, որ պարզ չէ, թե 120 հազար արցախցիները երբ կտեղափոխվեն Լաչինի միջանցքով:
«Մեր խեղճ ժողովրդի ճակատագիրը պատմության մեջ կմնա որպես խայտառակություն և ամոթ հայ ժողովրդի և ողջ քաղաքակիրթ աշխարհի համար, մեր ճակատագրի պատասխանատուները մի օր պիտի պատասխան տան Աստծո առաջ իրենց մեղքերի համար»,- ասել է Բաբայանը:
