Ռուսաստանը չի կարող լինել վստահելի միջազգային գործընկերներ․ Միլլեր

ԱՄՆ պետքարտուղարի խոսնակ Մեթյու Միլլերը, խոսելով ԼՂ շուրջ ստեղծված իրավիճակի մասին, ասել է, թե Ռուսաստանի վրա որպես միջազգային գործընկերոջ, չի կարելի հույս դնել․

«Եվ քանի որ դա վերաբերում է Ռուսաստանի կողմից միջազգային տարածքի հարգմանը և այլ երկրների տարածքային ամբողջականությանն ու ինքնիշխանությանը, ես կարծում եմ, որ մենք նրա գործողություններից տեսանք, որ դա այն սկզբունքը չէ, որին նա հավատարիմ է»:

Ըստ Միլլերի, Սամանտա Փաուերը և Յուրի Քիմը Հայաստան են ժամանել, որպեսզի վերահաստատեն Միացյալ Նահանգների աջակցությունը Հայաստանի ինքնիշխանությանը, անկախությանը և տարածքային ամբողջականությանը, ինչպես նաև ժողովրդավարությանը․

«Եվ իհարկե, օգնեն բավարարել Լեռնային Ղարաբաղում վերջին բռնությունների հետևանքով առաջացած մարդասիրական կարիքները»:

«Ինչ վերաբերում է տեղում հումանիտար իրավիճակին, ապա Լեռնային Ղարաբաղի էթնիկ հայերի բնակչությունը պետք է հնարավորություն ունենա մնալ իրենց տներում խաղաղության և արժանապատվության պայմաններում, հարգելով նրանց իրավունքներն ու անվտանգությունը, եթե նրանք դա ցանկանան: Նրանց համար, ովքեր ցանկանում են հեռանալ և վերադառնալ, պետք է թույլատրվի անվտանգ անցում՝ չեզոք, անկախ երրորդ կողմի հսկողության ներքո:

Եվ Ադրբեջանը պատասխանատվություն է կրում քաղաքացիական բնակչությանը պաշտպանելու և բոլորի նկատմամբ մարդասիրական վերաբերմունք ապահովելու համար, ներառյալ նրանց, ում կասկածում է, որ նրանք մարտիկներ են»,– ասել է նա: