Ռուսաստանի նախագահի մամուլի քարտուղար Դմիտրի Պեսկովը մեկնաբանել է ԱՄՆ պետդեպարտամենտի առաջարկը՝ ստեղծել դիտորդական առաքելություն, որը կհետևի ադրբեջանա-հայկական հակամարտությանը․

«Մենք առարկայական որևէ բան դեռ չենք տեսնում ԼՂ-ում միջազգային մոնիթորինգային առաքելության ստեղծման առաջարկում։

Բացի այդ, դա չի կարող տեղի ունենալ առանց Բաքվի համաձայնության»,— ասել Է Կրեմլի ներկայացուցիչը։

Ներկայացնում ենք Պեսկովի հայտարարությունները՝ հիմնական կետերով

. ՌԴ ՆԳՆ ղեկավարի այցը Հայաստան պլանային է

. Կոլոկոլցևի և Փաշինյանի քննարկումներն ընթացիկ հարցերի շուրջ միանգամայն նորմալ է։ Մոսկվան Ղարաբաղի հարցով շարունակում է շփումները Բաքվի և Երևանի հետ։ Տնեսական բնագավառում Մոսկվայի և Երևանի համագործակցությունն էական ներդրում ունի Հայաստանի զարգացման գործում

․ Ռուսաստանը կշարունակի օգնել։ Կրեմլը դեռևս որևէ կոնկրետություն չի տեսնում Ղարաբաղի հարցով դիտորդական առաքելություն ստեղծելու՝ ԱՄՆ-ի գաղափարի մեջ։

ՌԴ խաղաղապահները մտադիր են շարունակել աջակցել Ղարաբաղում իրավիճակի կարգավորմանը՝ առկա մանդատին համապատասխան։

Ղարաբաղի հարցով ցանկացած առաքելություն հնարավոր է միայն Բաքվի համաձայնությամբ։

ՌԴ-ն, ի համեմատ ԱՄՆ-ի «բանավոր միջամտությունների», դե ֆակտո է ներգրավված է ԼՂ կարգավորման գործընթացում։

Պեսկովը հիշեցրել է էներգետիկայի և ռեսուրսների արտոնյալ մատակարարումների հարցում ՌԴ-ի օգնությունը Հայաստանին՝ մեկնաբանելով այդ ոլորտում ԱՄՆ-ի համագործակցության առաջարկը։