Վայքում ևս բացվել է տեղահանվածների հաշվառման կայան. Սանոսյան

Վայքում ևս բացվել է հաշվառման կայան՝ ԼՂ-ից տեղափոխվող մարդկանց հոսքը հաշվի առնելով, «Լուրերի» հետ զրույցում Կոռնիձորից հայտնել է Տարածքային կառավարման և ենթակառուցվածքների նախարար Գնել Սանոսյանը:

Նախարարը նաև տեղեկացրել է, որ արցախցիները Հայաստան հասնելուն պես, ըստ անհրաժեշտության, ապահովվում են սննդով և վառելիքով՝ մինչև նախատեսված ժամանակավոր կացարաններ տեղափոխվելը:

«Բավական մեծ թվով դեռ գրանցման, հաշվառման, ճշտումների պրոցեսի մեջ են, վերջին ժամերին Վայքն ենք ավելացրել և մեր հաենակիցների մի մասը առաջին օգնություն ստանալուց հետո գնում են Վայք և այնտեղ են անցնում հաշվառում:

Մենք նաև այսօր հրապարակել ենք և կշարունակենք հրապարակել, որ բոլոր համայնքներում առանձնցրել ենք աշխատանքային խմբեր և իրենց կոնտակները հրապարակում ենքպարբերաբար, որ եթե ամբողջական հաշվառում չեն անցել, ապա արդեն տվյալ համայնքում անցնեն ու հետագայում կարողանան պետական տարբեր աջակցություններից օգտվեն:

Սա առաջին կայանն է, բայց մյուս մանրակրկիտ հաշվառումը կանենք արդեն ամեն մի համայնքում: Մենք նաև հավաքագրում ենք այն բնակարանները որոնք կարող էին վարձով տրվել, բնակարանները, որոնք ազատ են, և կարող ենք այնտեղ բնակեցնել, մարզպետարանները այս ամենին զուգընթաց համալրում են բազաները: Մեր հայրենակիցները անօթևան չեն մնա, հյուրանոց, հյուրատուն, մասնավոր տներում, պետական շենքերում կտեղավորենք ժամանակավոր, հետո արդեն երկարաժամկետ ծրագրերով կշարունակենք:

Սննդի հարցը լուծված է բոլոր կայաններում, վառելիքի հարցը լուծում ենք սահմանային հատվածում, նաև Գորիսում և Տեղում ունենք բենզալցակայաններ, որտեղից վարորդները կարող են լիցքավորել»,- ասել է նա: