Չեմ կարող համաձայնել, որ վարչապետ Փաշինյանին դրսից ինչ-որ մեկը բերել է իշխանության՝ Ղարաբաղը հանձնելու համար։ Սա հայ ժողովրդի ընտրությունն էր։ Այս մասին հայտարարել է ՌԴ նախագահ Վլադիմիր Պուտինը։
«Դուք կարող եք տարբեր վերաբերմունք ունենալ ընտրական գործընթացների նկատմամբ, բայց սա փաստ է։ Այն, որ նա ձգտել է հանձնել Ղարաբաղը, համաձայն չեմ։ Երբ նա եկավ իշխանության, ասաց, որ Ղարաբաղը Հայաստանի մաս է։ Նախկինում ոչ ոք սա չէր ասել:
Ճիշտ է, հետո նրա դիրքորոշումն արմատապես փոխվեց, բայց, իմ կարծիքով՝ նա անկեղծորեն ձգտում էր պահել իրավիճակը։ Ճիշտ էին որոշումները, թե սխալ, դա ես չեմ դատելու․ բայց ասել, որ նա միտումնավոր հանձնեց Ղարաբաղը, անարդար է»,- ասել է ՌԴ նախագահը։
