Եգիպտական հետախուզության աշխատակիցը Associated Press-ին ասել է, որ Եգիպտոսը, որը հաճախ միջնորդ է Իսրայելի և «Համաս»–ի միջև, բազմիցս զգուշացրել է իսրայելցիներին, որ խոշոր իրադարձություն է լինելու: Հետախուզության աշխատակիցներից մեկն ասել է, որ իսրայելցի պաշտոնյաներն իրենց ուշադրությունը կենտրոնացրել են Հորդանան գետի արևմտյան ափի վրա և թերագնահատել Գազայի հատվածից եկող սպառնալիքը․
«Մենք զգուշացնում էինք, որ իրավիճակը շուտով պայթելու է, բայց նրանք թերագնահատեցին այդ նախազգուշացումները»,- ասել է աղբյուրը, ով անանուն մնալու պայմանով է զրուցել լրագրողների հետ:
Պարբերականը նաև նշում է, որ երկիրը վերջերս շեղվել է Նեթանյահուի դատաիրավական բարեփոխումների շուրջ հակասությունների պատճառով: Վարչապետը բազմիցս զգուշացումներ է ստացել անվտանգության մարմիններից և հետախուզության նախկին ղեկավարներից, որ իր ծրագիրը, որը հանգեցրել է զանգվածային բողոքի ցույցերի, խաթարում է երկրի անվտանգության ծառայությունների համախմբվածությունը:
