7% տնտեսական աճի ցուցանիշը կապահովվի. վարչապետ

«Հայաստանն, ի հեճուկս բոլոր բարդությունների, շարունակում է մնալ բարձր տնտեսական աճի տիրույթում։ Բոլոր կանխատեսումների համաձայն՝ 2023 թ. ևս Հայաստանը կունենա բարձր տնտեսական աճ». կառավարության նիստում հայտարարել է վարչապետ Նիկոլ Փաշինյանը։

Ըստ նրա՝ պետբյուջեով նախանշված 7% տնտեսական աճի ցուցանիշը կապահովվի. «Բայց սա զուսպ և պահպանողական գնահատական է։ Մեծ հավանականությամբ, ավելի բարձր տնտեսական աճ կունենանք»,- նշել է նա։

Փաշինյանն այս համատեքստում ասել է նաև, որ 2023 թ հունվար-օգոստոս ամիսներին Հայաստանում արձանագրվել է վերջին 5 տարվա ծնելիության ամենաբարձր ցուցանիշը․

«Մեռելածինների թվաքանակի էական նվազում կա, ինչը նշանակում է, որ առողջապահության ոլորտում մեր քաղաքականությունը դառնում է ավելի ու ավելի արդյունավետ»,- շեշտել է վարչապետը։