Հայաստանը կարևորագույն գործընկեր է մեզ համար. Մեցոլա

Ստրասբուրգ կատարած աշխատանքային այցի շրջանակում մեկնարկել է Հայաստանի վարչապետ Նիկոլ Փաշինյանի մամլո ասուլիսը Եվրախորհրդարանի նախագահ Ռոբերտա Մեցոլայի հետ։

Մեցոլան հայտարարել է, որ արևելյան հարևանության շրջանակներում Հայաստանը կարևորագույն գործընկեր է իրենց համար․

«Մեր անվերապահ աջակցությունն ենք հայտնում Հայաստանի ինքնիշխանությանը, անվտանգությանն ու տարածքային ամբողջականությանը։ Մենք հավատարիմ ենք մնում Հայաստան-Ադրբեջան խաղաղության աջակցման բոլոր առաջարկություններին։ ԵՄ-ն կշարունակի աջակցել այս հարցում»։

Մեցոլան նաև հավելել է, որ բարձր է գնահատում Նիկոլ Փաշինյանի առաջնորդությունն ու Հայաստանի ժողովրդավարամետ ուղին։