Իսրայելի նախագահն ու Միացյալ Թագավորության վարչապետը հանդիպել են

Իսրայելի նախագահ Իցհակ Հերցոգը Բրիտանիայի վարչապետ Ռիշի Սունակի հետ հանդիպման ժամանակ քննադատել է BBC-ին՝ ասելով, որ «գործակալությունը խեղաթյուրում է փաստերը»․

«Մենք կարծում ենք, որ այն, թե ինչպես է BBC-ն բնութագրում «Համաս»–ին, փաստերի խեղաթյուրում է: Մենք գործ ունենք աշխարհի ամենավատ ահաբեկչական կազմակերպություններից մեկի հետ, և ես գիտեմ, որ ժամանակակից ժողովրդավարություններում, ինչպիսին ձերն ու մեն է, դուք ինքներդ չեք կարող միջամտել, բայց քանի որ BBC-ն ասոցացվում է Բրիտանիայի հետ, ողջ աշխարհում պետք է բողոքի ձայն բարձրանա, որպեսզի ուղղում լինի, և «Համաս»–ը սահմանվի որպես ահաբեկչական կազմակերպություն», – հայտարարել է Հերցոգը

«Ուրիշ ի՞նչ պետք է տեսնեն՝ հասկանալու համար, որ սա դաժան ահաբեկչական կազմակերպություն է», – ասել է Հերցոգը։ Հիշեցնենք, որ BBC-ն հրաժարվում է «Համաս»–ը որակել որպես ահաբեկչական կառույց։