Վիտալի Բալասանյանը իր աղմկահարույց և հանցավոր տարրեր պարունակող հարցազրույցում, ըստ էության, վերջնակնապես գծեր հատեց: Սա ցույց է տալիս, որ նախկին հանցավոր համակարգը վերջնականապես արդեն իսկ բացեիբաց մարտի է նետվել: Այլապես որևէ բացատրություն չկա վարչապետին ֆիզիկական ոչնչացման սպառնալիքներին: Այստեղ կարևոր է մի քանի բան ևս դիտարկել:
Վերջին շրջանում երևում է, որ ռևանշիստները փոխել են իրենց մարտավարությունը: Նրանք ամեն կերպ ձգտում են ներքաշել իշխանությանը որևէ սադրանքի մեջ և, հետագայում ձերբակալվելով, իրենք իրենց «քաղբանտարկյալ» հայտարարել: Վստահաբար, այս պրովոկացիոն հարցազրույցի նպատակներից մեկն էլ դա է: Սակայն այս անգամ Բալասանյանը գծեր հատեց, և նրան պետք է հստակորեն կանգնեցնել: Կասկած չկա, որ վարչապետի նշած հիբրիդային պատերազմը, որը ամիսներ շարունակ տարվում է Հայաստանի դեմ, արդեն իսկ հասնում է իր կուլմինացիոն պահին:
Սեղանին դրված է պետականության լինել-չլինելու հարցը: Ռևանշիստները ամեն ինչի պատրաստ են լինելու, որպեսզի վերականգնեն իրենց նախկին դիրքերը և որ ամենակարևորն է՝ խուսափեն արդարադատությունից: Այդ մարդիկ որևէ բանի առջև կանգ չեն առնելու և հարկ եղած դեպքում յուրաքանչյուր միջոցի կդիմեն: Այս պարագայում պետք է շեշտել նաև այն, որ նրանք ունեն արտաքին հովանավորյալ՝ ի դեմս Ռուսաստանի, որը ամեն կերպ շարունակում է այաստանում իրավիճակը դեստաբիլիզացնելու փորձեր անել:
Վերջերս Սոլովլյովը, օրինակ, իր դժգոհությունն արտահայտեց, որ իրավապահները չեն ձերբակալել «Ռեստարտ»-ի տղաներին: Այստեղ այլևս որևէ պատրանքներ չպետք է լինեն: Հայաստանի դեմ իրականացվող հիբրիդային պատերազմը սնուցվում է Ռուսաստանի կողմից: Իշխանությունները լավ կանեն, որ սա հստակ ֆիքսեն: Ռուսաստանն այն պետությունն է, որը երբեք չի հանդուրժում նախկին հետսովետական տարածաշրջանի երկրներում դեմոկրատական իշխանությունների փաստը: Եվ, բնականաբար, այդ երկիրը շարունակաբար փորձելու է հեղաշրջման գնով Հայաստանում իշխանություն փոխել: Վերոգրյալից ելնելով՝ Հայաստանի իշխանությունները ուղղակիորեն պարտավոր են բացահայտել Վանեցյանի և վարչապետի հակադրության ժամանակ վերջինիս կողմից նշած Պուտչի բոլոր օղակները և պատասխանատվության ենթարկեն բոլորին: Հապաղելու ժամանակ պարզապես չի մնացել: Հապաղելը կարող է աղետաբեր լինել պետականության համար:
