ԱԺ «Հայաստան» խմբակցության պատգամավոր Աղվան Վարդանյանը հայտարարությունների ժամին կարդացել է իր երկու բանաստեղծությունները։ Նա նշեց, որ առաջինը՝ «Դառնագիր» վերնագրով գրել և հրապարակել է 1987թ. «Կարծում էի՝ կոմունիստական նոմենկլատուրան է, հետո պարզվեց՝ ոչ միայն»։
«Պնակալեզ, պատեհապաշտ բանի տղերք։
Անհայրենիք, անսրբություն, անաղուհաց։
Ոչինչ մաքուր չմնաց, որ չպղտորեք։
Ձեր պատկերը դեռ պիտի գա ձեր դիմաց։
Գալու է ձեր զավակների պատկերն առաջ։
Որ քշվելով ձեր պատկերից խեղված ու բութ,
Առանցքով են օրհնում ձեր սաղմը սառած,
Եվ դռնեդուռ չեն գտնելու լույսի մի շերտ։
Դուք քիչ եք թողել, իսկ նա ինքնին չի բազմանում,
Ձեր որդիք ամեն անգամ երբ ձեզ հիշեն,
Ձեր աճյունը պղծվելու է գերեզմանում»։
Աղվան Վարդանյանն ընթերցեց նաև երկրորդ բանաստեղծությունը՝ «Հականերբող» վերնագրով, որ գրել է 2018թ հուլիսին.
«Զուսպ մնա,- ասաց,- զսպաշապիկ
Հագցրու զքեզ, մինչև բանա
Քարտեզագիրը ձեռքի ափի
Հեղափոխության խաթաբալան։
Ինչե՞ր են գրված, ո՞վ է գրել՝
Նա չի կարդալու, ջնջող է նա,
Դեռ ինչեր պիտի պարտագրեն,
Մինչև սափրվի ու լողանա։
Արյուն եմ տեսնում, նզովք ու թույն,
Տեսնում եմ մահվան սև պատարագ.
Սերմանելու է ամայություն
Հրեշտակակերպ այս սատանան…
Կատարվելու է գրվածը մութ՝
Դառը գավաթն այս պիտի ըմպես,
Բայց երբ խաղաղվի ամբոխը բութ,
Զուսպ մնա։ Սակայն չվրիպես»։
«Խնդրում եմ թեթև նայել, զուտ բանաստեղծություն, անձնական ոչինչ»,- ասաց նա։
«Այդպես էլ նայում ենք, պարոն Վարդանյա՛ն, ոչ մի բան ավել»,- արձագանքեց ԱԺ նախագահ Ալեն Սիմոնյանը։
Մարդու իրավունքների եվրոպական դատարանի դատավորի պաշտոնում Հայաստանի Հանրապետության կողմից առաջադրվող թեկնածուների ընտրության հանձնաժողովը, հիմք ընդունելով…
Հոկտեմբերի 21-ին, ժամը 10:16-ին Սյունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ…
ԱԺ արտաքին հարաբերությունների մշտական հանձնաժողովը դրական եզրակացություն տվեց սահմանազատման հանձնաժողովների կանոնակարգը վավերացնելու մասին օրենքի նախագծին։…
Իսրայելի ռազմաօդային ուժերը գիշերը հարձակում են գործել Բեյրութի ուղղությամբ։ Իսրայելի արտաքին գործերի նախարար Իսրայել Կացը…
ԵՄ-ին Մոլդովայի անդամակցության հանրաքվեում ըստ արձանագրությունների 99,01%-ի տվյալների հետևյալ պատկերն է՝ Կողմ - 50,29% Դեմ…
ԱՄՆ նախագահ Ջո Բայդենը նամակ է հղել Ադրբեջանի նախագահ Իլհամ Ալիևին, որում, մասնավորապես, ասվում է.…