Կարմրուկով վարակված երեխայի մահվան դեպք է գրանցվել. նախարար

«Հայաստանում կարմրուկով վարակված երեխայի մահվան դեպք է գրանցվել». լրագրողների հետ ճեպազրույցում տեղեկացրել է առողջապահության նախարար Անահիտ Ավանեսյանը։

«Պետք է նշեմ, սակայն, որ երեխան ունեցել է նաև այլ հիվանդություններ, և կարմրուկի հանգամանքը ծանր ելքի է հանգեցրել»,– ընդգծել է Անահիտ Ավանեսյանը։ 

Նա երեխաներին ու քրոնիկ հիվանդներին հորդորել է պատվաստել կարմրուկի դեմ. «Եթե անգամ երեխան վարակվի, իսկ տանը մեծահասակ լինի, նրանց կյանքի համար ևս վտանգավոր է կարմրուկը»,– ասել է նա։