Վրաստանի խորհրդարանի նախագահը ողջունել է «Խաղաղության խաչմերուկ» նախագծի գաղափարը
Միջխորհրդարանական միության 147-րդ վեհաժողովի շրջանակում Հակոբ Արշակյանի գլխավորած պատվիրակությունը հանդիպել է Վրաստանի խորհրդարանի նախագահ Շալվա Պապուաշվիլիի գլխավորած պատվիրակության հետ: ԱԺ փոխնախագահը նշել է, որ Հայաստանը շահագրգռված է Վրաստանի հետ հատուկ բարիդրացիական հարաբերությունների զարգացման տրամաբանությամբ ռազմավարական գործընկերության հաստատման հարցում:
Հակոբ Արշակյանն ընդգծել է Հայաստանի և Վրաստանի միջև երկու պետությունների քաղաքացիների փոխադարձ առանց վիզայի` նույնականացման քարտերի միջոցով այցելությունների մասին համաձայնագրի կիրարկումը:
Աժ փոխխոսնակը կարևորել է միջազգային հարաբերությունների հանձնաժողովների միջև համագործակցության մասին փոխըմբռնման հուշագիրը, Հայաստանի Ազգային ժողովի գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի ու Վրաստանի խորհրդարանի մշակույթի հանձնաժողովի միջև համագործակցության մասին փոխըմբռնման հուշագիրը, ինչպես նաև նշել, որ կողմերը եկել են նախնական համաձայնության տնտեսական համագործակցության միջխորհրդարանական հանձնաժողով ստեղծելու վերաբերյալ:
Հակոբ Արշակյանն իր գոհունակությունն է հայտնել երկու երկրների խորհրդարանների մշտական հանձնաժողովների և բարեկամական խմբերի միջև ակտիվ համագործակցության կապակցությամբ: Խորհրդարանի փոխխոսնակը նաև կարևորել է տարածաշրջանային անվտանգության և կայունության ամրապնդումն ու նշել, որ Հայաստանի և Վրաստանի միջև հարաբերությունների բարձր մակարդակը Հարավային Կովկասում անվտանգության ապահովման կարևոր գործոններից է:
Անդրադարձ է կատարվել նաև վարչապետ Նիկոլ Փաշինյանի՝ Թբիլիսիի «Մետաքսի ճանապարհ» միջազգային համաժողովի մասնակցությանը, որտեղ ներկայացվել են ՀՀ կառավարության «Խաղաղության խաչմերուկ» նախագիծն ու դրա սկզբունքները: Վրաստանի խորհրդարանի նախագահը ողջունել է «Խաղաղության խաչմերուկ» նախագծի գաղափարը՝ կարևորելով տարածաշրջանային խաղաղությունն ու ճանապարհների ապաշրջափակումը տնտեսական հարաբերությունների զարգացման և տարածաշրջանային հնարավորությունների համատեքստում:
Շալվա Պապուաշվիլին ընդգծել է երկրների տարածքային ամբողջականության սկզբունքի հիման վրա կայուն խաղաղության հասնելու կարևորությունը: «Առանց երկարաժամկետ խաղաղության դժվար է հասնել տնտեսական զարգացման»,- նշել է Վրաստանի խորհրդարանի ղեկավարը
Recent Posts
Կոչ ենք անում ԵՄ-ին արագ թիրախավորված պատժամիջոցներ ձեռնարկել Ադրբեջանի նկատմամբ. Լևոն Քոչարյան
Պնդումը, թե Հայաստանում լիակատար գործող ժողովրդավարություն է՝ իրականություն չէ. Հայաստան-ԵՄ խորհրդարանական գործընկերության կոմիտեի 4-րդ նիստի…
ՆԳՆ-ի պարզաբանումը Գյումրի համայնքի ընտրությունների վերաբերյալ
ՆԳՆ-ն պարզաբանում է ներկայացրել Գյումրի համայնքի ընտրությունների վերաբերյալ: «Շիրակի մարզի Գյումրի համայնքի ավագանու 2025 թվականի…
Անահիտ Ավանեսյանը կպատասխանի առողջության ապահովագրության վերաբերյալ հարցերի
ՀՀ առողջապահության նախարար Անահիտ Ավանեսյանը հայտնել է, որ սկսում է Առողջության համապարփակ ապահովագրության վերաբերյալ իրազեկող…
Վրաստանի վարչապետն ասել է, որ երկիրը աջակցում է Ուկրաինայի վերաբերյալ ԱՄՆ-ի ծրագրին
Վրաստանն աջակցում է Ուկրաինայում խաղաղություն հաստատելու ԱՄՆ-ի ծրագրին և գործողություններին, լրագրողներին ասել է Վրաստանի վարչապետ…
Լավրովը ժամանել է Թեհրան
Ռուսաստանի արտգործնախարար Սերգեյ Լավրովն աշխատանքային այցով ժամանել է Թեհրան, որտեղ կհանդիպի Իրանի արտգործնախարար Աբբաս Արաղչիի…
Մեր գերիները շարունակում են Բաքվում մնալ. Հովհաննիսյան
«Մեր օրակարգում սահմանագծումն ու սահմանազատումն ամենազգայուն թեմաներից են». այս մասին ԵՄ-Հայաստան խորհրդարանական գործընկերության կոմիտեի 4-րդ…