ԼՂ-ից բռնի տեղահանվածների՝ ժամանակավոր պաշտպանության կարգավիճակի ստացումն ավտոմատ է
ԼՂ-ից բռնի տեղահանվածներին Կառավարության՝ հոկտեմբերի 26-ի նիստին ժամանակավոր պաշտպանության կարգավիճակ տրվեց: Այս կարգավիճակի շնորհիվ մեր հայրենակիցները կկարողանան ավելի բարձր պաշտպանվածություն ունենալ թե՛ Հայաստանի տարածքում, թե՛ Հայաստանի տարածքից դուրս: Այդ մասին ճեպազրույցի ժամանակ ասաց ներքին գործերի նախարարի տեղակալ Արփինե Սարգսյանը:
«Ինչո՞ւ, որովհետև ժամանակավոր պաշտպանության կարգավիճակի ուժով մեր հայրենակիցները, «Փախստականների և ապաստանի մասին» ՀՀ օրենքի համաձայն, ըստ էության, ճանաչվում են փախստականներ և օգտվում են միջազգային կոնվենցիոն բոլոր մեխանիզմներից և, ըստ այդմ, միջազգային պաշտպանության ներքո են գտնվում թե՛ ՀՀ տարածքում, թե՛ ՀՀ տարածքից դուրս:
Ժամանակավոր պաշտպանության կարգավիճակը Կառավարության համապատասխան որոշման շրջանակներում տրվել է մեկ տարի ժամկետով, իհարկե, երկարաձգման հնարավորություն է նախատեսված»,- ասաց նախարարի տեղակալը:
Արփինե Սարգսյանը նաև հստակեցրեց, թե որ սուբյեկտներին է տրվում այսպիսի կարգավաճակ: Այդպիսի երեք խումբ կա: Առաջին խմբում ներառաված են անձինք, որոնք հաշվառված են ԼՂ բնակչության ռեգիստրում: Երկրորդ խմբում այն անձինք են, որոնք թեկուզ հաշվառում չունեն, բայց նրանց վերջին հաշվառման հասցեն եղել է ԼՂ-ն:
Եվ նաև նրանք, որոնք հաշվառված չեն ԼՂ բնակչության ռեգիստրում, սակայն բռնի տեղահանման հետևանքով հաշվառվել են ՆԳՆ միգրացիայի և քաղաքացիության ծառայության կողմից վարվող տվյալների շտեմարանում:
«Բացառություն են այն անձինք, որոնք ունեն այլ պետության քաղաքացիություն, որոնք կարող են օգտվել այլ երկրի պաշտպանությունից:
Նշեմ, որ ժամանակավոր պաշտպանության կարգավիճակի ստացումն ավտոմատ է, ըստ էության, որովհետև մեր քաղաքացիները, մեր հայրենակիցները որևէ գործողություն այս առումով կատարելու պարտականություն չունեն, որովհետև թե՛ օրենքի ուժով ընդհանրապես, թե՛ հատկապես Կառավարության այս որոշման ուժով մեր հայրենակիցներն արդեն իսկ ստացել են ժամանակավոր պաշտպանության կարգավիճակ՝ դրանից բխող բոլոր դրական հետևանքներով, որոնք ավելի բարձր երաշխիք կնախատեսեն նրանց իրավունքների երաշխավորման հարցում թե՛ ներպետական մակարդակում, թե՛ միջազգային տարբեր ատյանների շրջանակներում»,- ասաց նա:
Recent Posts
Եթե Ադրբեջանը չվավերացնի՝ այդ համաձայնությունը կհամարվի տեղի չունեցած
ԱԺ փոխնախագահ Ռուբեն Ռուբինյանը հերթական նիստում Հայաստանի և Ադրբեջանի միջև սահմանազատման կանոնակարգի քննարկմանն անդրադառնալով հայտարարեց,…
Արթուր Բաղդասարյանն ու նրա ընտանիքի անդամները հրավիրվել են դատախազություն
ԱԺ նախկին նախագահ, Անվտանգության խորհրդի նախկին քարտուղար, ՕԵԿ երբեմնի նախագահ Արթուր Բաղդասարյանը, նրա ընտանիքի անդամները՝…
ԱԺ-ն քննարկում է սահմանազատման հանձնաժողովների կանոնակարգը
ԱԺ նիստում մեկնարկել է Հայաստանի ու Ադրբեջանի միջև սահմանազատման հանձնաժողովների կանոնակարգը հաստատելու նախագիծը։ Այն ներկայացնում…
Южная Корея рассматривает возможность отправки специалистов в Украину в ответ на участие военных из КНДР в войне на стороне России
Южная Корея рассматривает план отправки в Украину военного и разведывательного персонала в ответ на привлечение…
Մոլդովան կատարել է եվրոպական ընտրություն, բայց ներքաղաքական իրավիճակը «բարդ եւ զգայուն է»
Մոլդովայի Կենտրոնական ընտրական հանձնաժողովն ամփոփել է եվրահանրաքվեի քվեարկության արձանագրությունները: Ըստ այդմ, ընտրողների 50,28 տոկոսը «կողմ»…
Բաքվում կայացել է Քարփենթեր-Ալիև հանդիպումը
ԱՄՆ նախագահի հատուկ օգնական, Ազգային անվտանգության խորհրդի՝ Եվրոպայի հարցով գլխավոր տնօրեն Մայքլ Քարփենթերը Բաքվում հանդիպել…