Ազգային ժողովում ընթացել է 2024 թվականի պետբյուջեի նախագծի նախնական քննարկումը, որին մասնակցել է Հայաստանի Հանրապետության վարչապետ Նիկոլ Փաշինյանը։
Փաշինյանն իր ծավալուն ելույթում անդրադարձել է աշխարհաքաղաքական առանցքային հարցերի` մասնավորապես նշելով, որ վերջին շրջանում էականորեն սրվել է միջազգայինիրադրությունը, և միջուկային պատերազմի հավանականությունը դարձել էփորձագետների ու քաղաքական գործիչների քննարկման լրջագույն առարկա։
Վարչապետն ընդգծել է, որ իր ելույթի կարգախոսն է. «Սիրո՞ւմ ես հայրենիքդ՝ ուժեղացրու պետությունդ», հավելելով, որ դա է հուշում իր վարչապետության 5-ամյա փորձը։
Ըստ վարչապետ Նիկոլ Փաշինյանի՝ այն հասունացման ճանապարհի, որով առաջ է շարժվում Հայաստանի Հանրապետությունը, առանցքային պահերից մեկը ՀՀ տարածքը29 հազար 800 քառակուսի կիլոմետր լինելու մասին ԱԺ-ում իր արած հայտարարությանըհետևած բազմահազարանոց ցույցերն են, ինչից ակնհայտ է դարձել, որ մենք՝ որպեսհանրություն, մեր պետության միջազգայնորեն ճանաչված տարածքի մասին այդքան էլպատկերացում չունենք, ինչը ոչ այնքան իմացության խնդիր է, որքան մեր կրած բոլորանհաջողությունների ու ձախողումների անկյունաքարը։
Անդրադառնալով Ադրբեջանի հետ «Խաղաղության պայմանագրի» կնքմանը` վարչապետը նշել է, որ եթե կողմերը մնան հավատարիմ արդեն քննարկված և ընդունված երեք սկզբունքներին, ապա պայմանագրի ստորագրումը կդառնա իրատեսական` հիշեցնելով, թե որոնք են այդ սկզբունքները։
Մինչ Արցախում տեղի ունեցած վերջին ողբերգական դեպքերը, կողմերի միջև չհամաձայնեցված կետ էր նաև Լեռնային Ղարաբաղի ժողովրդի իրավունքների և անվտանգության ապահովման միջազգային մեխանիզմի ստեղծման հարցը։ Արդյո՞ք այս հարցը դեռ օրակարգային է` վարչապետը չի մանրամասնել։
ԱԺ պաշտպանության հանձնաժողովի փոխնախագահ Արմեն Խաչատրյանը փակագծեր բացեց՝ խաղաղության պայմանագրի այդ 3 հիմնական սկզբունքները մեկ անգամ համաձայնեցվել են, բայց երբ արդեն բանակցային գործընթացում դրանք պետք է հաստատվեն համապատասխան ստորագրություններով և երաշխավորների միջոցով, դա տեղի չի ունենում։
Խաչատրյանը նկատեց նաև, որ Ալիևը խուսափում է Փաշինյանի հետ հերթական հանդիպումից` հիշեցնելով, որ, նախ, հոկտեմբերի սկզբին Ադրբեջանի նախագահըհրաժարվեց մեկնել Գրանադա` բանակցություններին մասնակցելու, իսկ օրերս էլ պարզ դարձավ, որ չի կայանա նաև Բրյուսելում նախատեսված Փաշինյան-Ալիև հանդիպումը։
Քննարկման ժամանակ ՀՀ ֆինանսների նախարար Վահե Հովհաննիսյանն էլ հայտարարեց, թե 2024 թ. բյուջեով կապիտալ ծախսերը կկազմեն 695 մլրդ դրամ։
Ինչն, ի դեպ, մարտահրավերների այս շրջանում բավականին խելամիտ է։
