«Զբաղվում ենք և՛ բարձրաստիճան պաշտոնյաների, և՛ մյուսների գերեվարման, խոշտանգման հարցերով». Քյարամյան

Հայաստանի քննչական կոմիտեի ղեկավար Արգիշտի Քյարամյանը լրագրողների հետ ճեպազրույցում անդրադարձել է ԼՂ ԱԽ նախկին քարտուղար Սամվել Բաբայանին հարցաքննության հրավիրելու մասին հարցին․

«Ես այդ հարցին չեմ պատասխանի, որովհետև կան վարույթներ, որոնցով նախաքննությունը հրապարակման ենթակա չէ»,- ասել է նա։

Քյարամյանը չի պատասխանել նաև ԼՂ նախկին ղեկավար Սամվել Շահրամանյանին ՔԿ հրավիրելու հարցին:

Անդրադառնալով Բաքվի բանտերում պահվողներին՝ Քյարամյանը նշել է, որ զբաղվում են գերիների հարցերով. «Նրանց մեջ կան նաև ոչ բարձրաստիճան պաշտոնյաներ, ովքեր գերեվարված են, ու նրանց գերի լինելու հանգամանքը հաստատված է։ Մենք ինտենսիվ զբաղվում ենք և՛ բարձրաստիճան պաշտոնյաների, և՛ մյուսների գերեվարման, խոշտանգման հարցերով»։