Զրուցել են Իսրայելի նախագահն ու ԱՄՆ պետքարտուղարը

«ԱՄՆ պետքարտուղար Էնթոնի Բլինկենը Իսրայելի նախագահ Իսահակ Հերցոգի հետ հեռախոսազրույցում վերահաստատել է ԱՄՆ-ի աջակցությունը ահաբեկչությունից պաշտպանվելու՝ Իսրայելի իրավունքին»,- այս մասին հայտարարել է ԱՄՆ պետդեպարտամենտի խոսնակ Մեթյու Միլլերը։

Բլինկենն ընդգծել է, որ Իսրայելի գործողությունները պետք է համապատասխանեն միջազգային մարդասիրական իրավունքին և ներառեն բոլոր հնարավոր նախազգուշական միջոցները՝ խաղաղ բնակչությանը վնաս չտալու համար։

Բացի այդ, Բլինկենը և Հերցոգը քննարկել են Իսրայելում, Արևմտյան ափին և Գազայում ամերիկացի քաղաքացիներին պաշտպանելու և «Համաս»-ի կողմից պատանդառվածների ազատ արձակմանն ուղղված ջանքերը։