Ինչի մասին են խոսել Տոկաևն ու Մակրոնը Աստանայում

Ղազախստանի և Ֆրանսիայի նախագահներ Կասիմ-Ժոմարտ Տոկաևը և Էմանուել Մակրոնը ճեպազրույց են անցկացրել։

Տոկաևը ասել է, որ Ֆրանսիան Ղազախստանի խոշորագույն առևտրային գործընկերներից է․ «Ընթացիկ տարվա ութ ամսում մեր երկրների միջև ապրանքաշրջանառության ծավալը նախորդ տարվա համեմատ աճել է 21%-ով և հասել 2,7 մլրդ դոլարի։ Մեր հիմնական օտարերկրյա ներդրողների թվում է նաև Ֆրանսիան։ Վերջին 15 տարում Ֆրանսիայից Ղազախստան է ներգրավվել մոտ 18,7 մլրդ դոլարի ներդրում։ 

Այսօր մենք կարևոր ծրագրեր ենք իրականացնում էներգետիկայի, միջուկային, հանքարդյունաբերության, քիմիական, ճարտարագիտության, շինարարության, օդատիեզերական և դեղագործական արդյունաբերության ոլորտներում։ Դա է վկայում երկրում ավելի քան 170 ֆրանսիական ընկերության հաջող գործունեությունը, որոնցից են Alstom-ը, Total Energies-ը, Orano-ն, Vicat-ը»․ մանրամասնել է Ղազախստանի ղեկավարը։