ՆԱՏՕ-ն փորձում է դուրս գալ իր աշխարհագրական շրջանակներից․ Պուտին

ՆԱՏՕ-ն փորձում է դուրս գալ իր աշխարհագրական շրջանակներից՝ խախտելով սեփական դոկտրինները։ Այդ մասին ասել է Ռուսաստանի նախագահ Վլադիմիր Պուտինը Չինաստանի Կենտրոնական ռազմական խորհրդի փոխնախագահ Չժան Յուքսիայի հետ հանդիպման ժամանակ:

Պուտինի խոսքով՝ դաշինքը ձգտում է ազդեցություն ունենալ Ասիայում․

«Որոշ երկրներ փորձում են ընդլայնել իրենց ազդեցության գոտին, դուրս գալ իրենց գործունեության աշխարհագրական շրջանակներից։ ԱՄՆ-ը փորձում է նոր ռազմաքաղաքական դաշինքներ ստեղծել։ Նպատակներին հասնելու համար Վաշինգտոնն առաջնորդվում է բացառապես սեփական շահերով»,- նշել է ՌԴ նախագահը։

Վլադիմիր Պուտինն ընդգծել է, որ Ռուսաստանն ու Չինաստանը հանգիստ են արձագանքում այս իրողությանը․

«ՌԴ-ն ու ՉԺՀ-ն կշարունակեն ամրապնդել սեփական անվտանգությունը՝ կենտրոնանալով արտաքին սպառնալիքների վրա»։