Կհայտարարենք հանդիպման մասին, երբ ժամկետները համաձայնեցվեն. Գալուզին

Մոսկվան անհապաղ կհայտարարի Ռուսաստանի, Ադրբեջանի և Հայաստանի արտգործնախարարների եռակողմ հանդիպման մասին, երբ համաձայնեցվեն ժամկետները։ Այս մասին լրագրողներին հայտնել է ՌԴ փոխարտգործնախարար Միխայիլ Գալուզինը։

«Մենք բազմիցս հաստատել ենք մեր պատրաստակամությունը՝ տրամադրել Մոսկվայի հարթակը Հայաստանի և Ադրբեջանի արտգործնախարարների հետագա երկխոսության համար՝ հարաբերությունների կարգավորման և խաղաղության պայմանագրի ստորագրման հարցերի շուրջ»,- ասել է փոխնախարարը՝ պատասխանելով ՏԱՍՍ-ի հարցին։ Նախարարների եռակողմ հանդիպման հեռանկարները մինչև տարեվերջ «Երբ մենք պայմանավորվենք նման իրադարձության ժամկետների մասին, մենք դրա մասին ժամանակին կհայտնենք», – հավելել է նա։