88 կգ քաշային կարգում հանդես եկող Վահագն Չալյանը հռչակվել է Սամբոյի աշխարհի առաջնության բրոնզե մեդալակիր:
Ավելի վաղ Վահագն Չալյանը մեկնարկային գոտեմարտում հաղթել էր վրացի մրցակցին, այնուհետև առավելության հասել տաջիկ Օլիմշոևի նկատմամբ և դուրս եկել կիսաեզրափակիչ, որտեղ հանդիպել է Ժալամբեկ Ասիմբեկովին (Ղրղզստան)։
Երկու գերվստահ հաղթանակ է տարել նաև 71 կգ քաշային Արամ Աղաջանյանը՝ պարտության մատնելով ճապոնացի և բելգիացի մրցակիցներին։ Աղաջանյանը կիսաեզրափակչում կհանդիպի ՖԻԱՍ-ը ներկայացնող Ուլադժիլով Սայապինին։
Գերծանր քաշային Հակոբ Առաքելյանը պարտվել է մեկնարկում։ Մարտական սամբո 58 կգ քաշային Մխիթար Մխիթարյանը պարտվել է մեկնարկում, իսկ փախստականների հավաքականի կազմում ելույթ ունեցող Արմեն Մնացականյանը հաղթանակով է մեկնարկել և դուրս եկել քառորդ եզրափակիչ։
64 կգ քաշային Վահրամ Գրիգորյանը ևս վստահ հաղթանակով դուրս է եկել քառորդ եզրափակիչ։
