ԵՄ կողմից ՀՀ-ին սպառազինմանն աջակցելու ջանքերը խոչընդոտում են խաղաղությանը․ Ադրբեջանի ԱԳՆ

Ադրբեջանի ԱԳՆ-ն հայտարարություն է տարածել, որում ասվում է․

«ԵՄ կողմից Հայաստանի սպառազինմանը և ռազմականացմանն աջակցելու ջանքերը, որոնք խոչընդոտում են խաղաղությունն ու կայունությունը մեր տարածաշրջանում, վկայում են նոր հակամարտությունների հանգեցնող քաղաքականության խրախուսման մասին, և դրա պատասխանատվությունն ընկնում է նաև ԵՄ-ի վրա:

Եվրոպական խաղաղության նախաձեռնությունն օգտագործելու ծրագրերը, որը ներառում է, մասնավորապես, ռազմական կարողությունների ուժեղացում, նպաստում են տարածաշրջանում լարվածության աճին:

Եվս մեկ անգամ հիշեցնում ենք, որ Ադրբեջանի հետ սպառնալիքների լեզվով խոսելն անընդունելի է, և ցանկացած ոչ բարյացակամ գործողություն ոչ միայն դրական արդյունք չի տա, այլև կստանա համարժեք պատասխան»,- հայտարարել են ԱԳՆ-ից։