Ryanair խոշորագույն ավիաընկերության առևտրային տնօրեն Դեյվիդ Օբրայենը Երևանում մամուլի ասուլիսի ժամանակ հայտարարեց Հայաստանից թռիչքների մեկնարկի մասին:
«Հունվարին թռիչքները կսկսվեն Երևանից Հռոմ և Միլան, հաջորդ ամառ՝ Բեռլին: Իսկ Գյումրիից Մեմմինգեն (Մյունխենի մոտակայքում ) կսկսվեն հաջորդ ամառ, որը, հավանաբար, կլինի եվրոպական առաջին ուղղությունը Գյումրիից», – ասաց Օ’Բրայենը:
Ըստ նրա, Երևանից և Գյումրիից թռիչքների տոմսերի միջին գինը կկազմի 35 եվրո: Նախապես տոմս գնելիս գինը կարող է լինել նույնիսկ ավելի ցածր:
Չվերթները կիրականացվեն շաբաթական երկու անգամ, սակայն, ըստ Դեյվիդ Օ’Բրայենի, թռիչքների հաճախականությունը կարող է ավելանալ նոր ուղղությունների դեպքում:
