2023-ին պետական պարտքը կազմել է 4 տրլն 454 մլրդ դրամ. փոխնախարար

Պետական պարտքի առումով դրամային ու դոլարային արտահայտությամբ ՀՀ պետական պարտքը 2023 թվականի ամիսների ընթացքում աճել է 6․4 %-ով։

Այս մասին ԱԺ ֆինանսավարկային ու բյուջետային հարցերի հանձնաժողովի ընթացքում ասաց Ֆինանսների փոխնախարար Վահան Սիրունյանը։Նա նշեց, որ պետական պարտքը աճել է համամասնորեն, քանի որ փոխարժեքը նախորդ տարվա համեմատ մեծ տատանում չի ունեցել։

«Կենտրոնական բանկի պարտքը նվազել է, իսկ կառավարության պարտքն աճել է մոտ 7%-ով։ Պետական պարտքը կազմել է 4 տրլն 454 մլրդ դրամ նախորդ տարվա 4 տրլն 186․7 մլրդ դրամի դիմաց, կառավարության պարտքը կազմել է 4 տրլն 244 մլրդ դրամ, արտաքին պարտքը 2 տրլն 354 մլրդ դրամ, ներիքն պարտքը՝ 1 տրլն 890 մլրդ դրամ»,- ասաց փոխնախարարը։

Նա ընդգծեց, որ պարտքի կառավարման տեսանկյունից Հայաստանը գտնվում է ռիսկի ուղենիշների շրջանակներում։