ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանն անդրադարձել է ԼՂ նախագահներին շնորհած զենքերի հարցին։

Նա ՆԳ փոխնախարար Արփինե Սարգսյանին հարցրել է, թե ինչպես է տեսնում այդ հարցի լուծումը.

«Արցախի նախագահի շնորհած զենքերի խնդիրն Արցախում այլ քաղաքական նպատակներ էր հետապնդում։ Մենք այսօր դա պետք է դարձնենք ավելի կառավարելի․․․ Արցախին շնորհված զենքի մի մասն, ամենայն հավանականությամբ, այսօր գտնվում է Հայաստանում։

Ի՞նչ իրավակարգավորում պետք է լինի․ վերջը՝ Հայաստանում պե՞տք է գործի Հայաստանի օրենսդրությունը, և, դրան համապատասխան, եթե կան անհամաձայնություններ, պետք է արագ լուծումներ գտնել»։

«Այս հարցը պետք է առանձին քննարկման առարկա դառնա, որովհետև օրինականության և ապօրինի կրելու նուրբ սահման կա որոշակի առումով»,- ասել է Սարգսյանը՝ նշելով, որ եթե պատգամավորներն առաջարկ ունենան, քննարկեն, եթե ոչ, թեման կպահեն թիրախում։