Եվրասիական զարգացման բանկը (ԵԶԲ) 2024-ին նախատեսում է Հայաստանում մասնակցել մի շարք նախագծերի: Այդ մասին Ալմաթիում դեկտեմբերի 14-ին կայացած մամուլի ասուլիսում հայտարարել է ԵԶԲ-ի խորհրդի նախագահ Նիկոլայ Պոդգուզովը:
Վերջինս թվարկել է նախագծերը՝ Երևանում մետրոյի նոր կայարանի, Առևտրի համաշխարհային կենտրոնի, Գյումրիում տրանսպորտային և լոգիստիկ կենտրոնի կառուցում, ինչպես նաև մի շարք էներգետիկ և արդյունաբերական նախագծերի իրականացում։
Նրա խոսքով, որպեսզի մեկ տարվա ընթացքում երեք-չորս ծրագիր հաջողվի իրականացնել, պետք է ունենալ 10-15 նախագծերի փաթեթ․ «Դա արդեն ձևավորված է:
Խոսքը էներգետիկ ոլորտի, վերականգնվող էներգիայի մասին է»,- ասել է նա ու հավելել, որ այժմ քննարկվում է հայկական մետրոպոլիտենի վերակառուցման նախագիծը, քանի որ ԵԶԲ-ն ցանկանում է «ակտիվորեն մասնակցել Երևանի քաղաքային ենթակառուցվածքների զարգացմանը»։
«Մենք հետաքրքրված ենք նաև մի շարք արդյունաբերական նախագծերով»,- ասել է Պոդգուզովը։
ԵԶԲ ավագ գործադիր տնօրեն Դենիս Իլինն էլ նշել է, որ հաջորդ տարի բանկը դիտարկում է «Հարավկովկասյան երկաթուղու» հետ համատեղ Գյումրիում տրանսպորտային և լոգիստիկ կենտրոնի նախագիծը և Երևանի քաղաքապետարանի հետ համատեղ մետրոյի «Աջափնյակ» կայարանի կառուցումը․ «Սա քաղաքի համար կարևոր նախագիծ է, սակայն փաստաթղթերի պատրաստման համար լուրջ աշխատանք է պահանջվում, ինչի համար մենք պատրաստ ենք ֆինանսական միջոցներ հատկացնել։ Մենք սա քննարկում ենք։
Մենք դիտարկում ենք մեր պորտֆելի համար շրջադարձային նախագիծ՝ Համաշխարհային առևտրի կենտրոնի կառուցումը Երևանի կենտրոնում։ Սա մեգանախագիծ է քաղաքի համար, և մեր մասնակցությունն այս նախագծին կարևոր է»,- ասել է Իլինը։
Ավելի վաղ ԵԶԲ-ի խորհրդի նախագահ Նիկոլայ Պոդգուզովը հայտնել էր, որ բանկը 2024-ին նախատեսում է մասնակից երկրներում ֆինանսավորել առնվազն 30 նախագիծ՝ մոտ 2,3 միլիարդ դոլար արժողությամբ։
Մոլդովայի Կենտրոնական ընտրական հանձնաժողովն ամփոփել է եվրահանրաքվեի քվեարկության արձանագրությունները: Ըստ այդմ, ընտրողների 50,28 տոկոսը «կողմ»…
ԱՄՆ նախագահի հատուկ օգնական, Ազգային անվտանգության խորհրդի՝ Եվրոպայի հարցով գլխավոր տնօրեն Մայքլ Քարփենթերը Բաքվում հանդիպել…
Դատավորի փոփոխության դեպքում հնարավորություն կստեղծվի շարունակել գործի քննությունը, կներդրվի սանկցիայի նոր տեսակ. Արմենուհի Հարությունյանն ԱԺ…
Իրանը ծանուցել է ՄԱԳԱՏԷ-ին Իսրայելի կողմից միջուկային օբյեկտներին ուղղված սպառնալիքների մասին. հայտնել է Իրանի ԱԳՆ…
Այսօր Ազգային ժողովում տեղի է ունեցել «Քաղաքացիական պայմանագիր» խմբակցության նիստ: Քննարկվել են հոկտեմբերի 22-ին մեկնարկող…
Ուկրաինային 400 մլն դոլարի սպառազինություն կտրամադրվի. Կիև կատարած այցի ժամանակ հայտարարել է ԱՄՆ պաշտպանության նախարար…