Ինչո՞ւ քաղաքացիները պետք է հասանելիություն չունենան մեր պատմական մայրաքաղաքին. վարչապետ

Մեր բոլոր արգելոցների մոտ ենթակառուցվածքների լուրջ խնդիր կա. հայտարարել է ԿԳՄՍ նախարար Ժաննա Անդերասյանը։

Նա նշել է, որ արգելոցների մոտ բացակայում են սանհանգույցները, տոմսի վաճառքի տարրական պայմանները.

«Մենք նախագծել ենք մոդուլային կենտրոն»,- ասել է նա՝ հավելելով, որ դրանք կտեղադրվեն արգելոցների մոտ՝ ապահովելով տարածքում սանհանգույցի, տոմսարկղի, սրճարանի, հուշանվերների վաճառքի կետի առկայությունը:

Անդրեասյանի խոսքով՝ դա տեղադրվելու է Արտաշատ պատմական մայրաքաղաքի մոտ, Լոռի բերդում և Բջնիում։

ՀՀ վարչապետն էլ ասել է, որ Արտաշատ պատմական մայրաքաղաքի պահպանված, տեսանելի հատվածը գտնվում է փշալարերից այնկողմ.

«Ես այցելել եմ․ ինձ համար հարց է՝ իսկ ինչու Հայաստանի քաղաքացիները, օտարերկրյա զբոսաշրջիկներն ու աշակերտները պետք է հասանելիություն չունենան մեր պատմական մայրաքաղաքին»,- ասել է նա՝ հավելելով, որ հատվածում, որտեղ երեխաներին տանում են էքսկուրսիա, տեսարժան որևէ բան չկա։