Ռուսները կարող էին Ռոբերտ Քոչարյանին ու Սերժ Սարգսյանին պարտադրել. Սիմոնյան

ԱԺ նախագահ Ալեն Սիմոնյանը հերքել է լուրերը, թե ՔՊ–ում արտահերթ ընտրությունների հարց է քննարկվում. «Ապուշություն, հիմարություն և սուտ։ Ինչի՞ համար են պետք արտահերթ ընտրությունները»։

Նրա խոսքով՝ ՔՊ-ն սահմանադրական մեծամասնություն ունի, և որևէ խնդիր չկա օրենքների ընդունման հարցում.

«Ինչի՞ գնանք արտահերթ ընտրությունների․ սահմանադրական մեծամասնություն ունենք։ Էլ չենք ասում, որ էս վիճակում կարող ենք տարին մեկ ընտրություններ կրել, իսկ ընդդիմությունը պատրաստ չէ ընտրությունների գնալ, անգամ՝ քաղաքային ընտրությունների չեն մասնակցում։ Իմաստը ո՞րն է։ Մենք օրենք ունենք, որ ուզում ենք անցկացնել, չե՞նք անցկացնում»։

Նա նշել է, թե ժողովրդավարական իշխանությանը որևէ մեկը ոչինչ չի կարող պարտադրել.

«Կարող էին Ռոբերտ Քոչարյանին պարտադրել ռուսները, կարող էին Սերժ Սարգսյանին պարտադրել։ Ասենք, ամերիկացիները գրանտ տալու դիմաց նախկին իշխանություններին կարող էին պարտադրել։ Մեզ ոչ ոք ոչ մի բան չի կարող պարտադրել, որովհետև մեզ վրա լծակ չունեն։ Մեզ պետք չի, որ մեր ընտրությունը ճանաչեն, մեր գլուխը շոյեն, ասեն՝ լեգիտիմ եք»։