60 մլն եվրոյի վարկային ծրագիր՝ Երևանում նոր ճանապարհահատված կառուցելու համար

ՀՀ կառավարությունը հավանություն տվեց Հայաստանի ու Ասիական զարգացման բանկի միջև 2023թ. նոյեմբերի 27-ին ստորագրված «Երևանի քաղաքային զարգացման ներդրումային ծրագիր» վարկային համաձայնագրին։ Այն կներկայացվի ԱԺ հաստատմանը։ Համաձայնագրով նախատեսված գումարը կազմում է 60 մլն եվրո։

Ըստ նախագծի հիմնավորման. «Համաձայնագրի շրջանակներում կառուցվելու է Իսակով-Արշակունյաց ճանապարհահատվածը, որը միմյանց կկապի Երևանի մի քանի վարչական շրջան՝ իր վրա վերցնելով տրանսպորտային մեծ հոսքեր և նվազեցնելով խցանումները:

Իսակով-Արշակունյաց ճանապարհահատվածը հանդիսանում է Մոնթե Մելքոնյան փողոցի տրամաբանական շարունակությունը:

Նախատեսված աշխատանքները ներառում են.

Իսակով պողոտայի վրա առկա ճանապարհային հանգույցի անհրաժեշտ թևերի կառուցում, որն ապահովվելու է մուտք դեպի Նորագյուղ թաղամասՀրազդան գետի վրա 269 մ երկարությամբ երկաթբետոնե հեծաններով կամրջի կառուցումԱրշակունյաց պողոտայում թունելային անցմամբ և շրջանաձև երթևեկությամբ ճանապարհային հանգույցի կառուցում»։