Հեռուստահաղորդավար Վլադիմիր Սոլովյովը հայտնվել է Գինեսի ռեկորդների գրքում` մեկ շաբաթվա ընթացքում երկար ժամանակ ուղիղ եթերում գտնվելու համար, գրում է «Նովայա գազետա»-ն:
Սոլովյովը մեկ շաբաթվա ընթացքում եթերում է եղել 25 ժամ 53 րոպե և 57 վայրկյան: Ռեկորդը սահմանվել է Россия-1 հեռուստաալիքով հեռարձակվող Кто против և Вечер с Владимиром Соловьевым հաղորդումների համար:
Հաղորդաշարերը քննարկում են ներքաղաքական իրադարձությունները:
Նախորդ ռեկորդը պատկանել է ճապոնացի շոումեն Մոնտա Մինոյին, որը մեկ շաբաթվա ընթացքում եթերում եղել էր 21 ժամ և 42 րոպե:
