Սուխումիի Ազգային կենտրոնական պատկերասրահում բռնկված հրդեհը ոչնչացրել է ավելի քան 4000 կտավ, Apsnypress-ին հայտնել է մշակույթի նախարարի պաշտոնակատար Դինարա Սմիրը։
«Կարելի է ասել՝ ամեն ինչ այրվել է։ Ազգային արվեստի պատկերասրահի ֆոնդերը՝ ավելի քան 4000 օրինակ, գտնվում էին Կենտրոնական ցուցասրահի շենքի երկրորդ հարկում։ Դրանց թվում են Ալեքսանդր Չաչբա-Շերվաշիձեի 300-ից ավելի ստեղծագործությունները։ Սա անգնահատելի կորուստ է Աբխազիայի ազգային մշակույթի համար»,- ասել է Դինարա Սմիրը։
