Գերմանիան կմարզի 10.000 ուկրաինացի զինվորականի

Գերմանիայի իշխանությունները հույս ունեն, որ 2024 թվականին շուրջ 10.000 ուկրաինացի զինծառայողներ վերապատրաստում կանցնեն Գերմանիայում։ Այս մասին հայտնել է Գերմանիայի ՊՆ-ին առընթեր Ուկրաինայի օգնության համակարգման աշխատանքային խմբի ղեկավար, գեներալ-մայոր Քրիստիան Ֆրոյդինգը։

«Ներկայումս մենք ակնկալում ենք, որ այս տարի ևս այն կլինի մոտ 10․000, բայց անհրաժեշտության դեպքում մենք կարող ենք ավելացնել այդ թիվը», – ասել է Ֆրոյդինգը «Welt am Sonntag» թերթին տված հարցազրույցում: