Ըստ ադրբեջանական լրատվամիջոցների` չնայած այն հանգամանքին, որ ԵԽԽՎ երեկվա նիստում նշվել է, որ ադրբեջանական պատվիրակության լիազորությունների սահմանափակումը չի նշանակում Ադրբեջանի մասնակցության ավարտը Եվրոպայի խորհրդի այլ կառույցներում, Բաքվի դիրքորոշումն այլ է։
APA գործակալությանը հասած տեղեկություններով Ադրբեջանը մտադիր չէ համակերպվել այդ անարդար և կողմնակալ վերաբերմունքին, և պաշտոնական Բաքուն ներկայումս քննարկում է ոչ միայն ԵԽԽՎ-ից, այլև Եվրախորհրդից դուրս գալու ընթացակարգը։ Հնարավոր է նաև Ադրբեջանը հրաժարվի Մարդու իրավունքների եվրոպական դատարանի իրավասության ճանաչումից։
