Վրաստանի վարչապետ Իրակլի Ղարիբաշվիլին հուսով է, որ Հայաստանը և Ադրբեջանը շուտով կստորագրեն խաղաղության պայմանագիր։ «Արմենպրես»-ի հաղորդմամբ՝ Վրաստանի վարչապետն այս հայտարարությունն արել է Թբիլիսիում հայ-վրացական միջկառավարական հանձնաժողովի նիստից հետո։
«Մենք միշտ պատրաստ էինք և պատրաստ ենք մեր ներդրումն ունենալ երկարաժամկետ խաղաղության հաստատման գործում, որը ողջ տարածաշրջանի երկրներին և ժողովուրդներին օգուտ կբերի։ Մենք մեծ լավատեսությամբ և հույսով ենք նայում Ադրբեջանի և Հայաստանի միջև ընթացող երկխոսությանը։ Հուսով եմ, որ Հայաստանը և Ադրբեջանը շուտով կստորագրեն խաղաղության պայմանագիր, ինչը անկասկած կնպաստի և կամրապնդի տարածաշրջանում խաղաղությունը, որը կարևոր է մեր երկրների և ազգերի համար»,- ասել է Ղարիբաշվիլին։
