ՀՀ վարչապետ Նիկոլ Փաշինյանը և Վրաստանի վարչապետ Իրակլի Ղարիբաշվիլին պայմանավորվել են ավարտին հասցնել հայ-վրացական սահմանի սահմանազատման գործընթացը։ «Արմենպրես»-ի տեղեկացմամբ` այդ մասին հայտարարել է վարչապետ Նիկոլ Փաշինյանը՝ ամփոփելով հայ-վրացական միջկառավարական հանձնաժողովի նիստի արդյունքները։
«Վարչապետ Ղարիբաշվիլիի հետ քննարկումների ընթացքում պայմանավորվել ենք նաև հանձնարարել համապատասխան գերատեսչություններին գործնական քայլեր ձեռնարկել Հայաստանի և Վրաստանի միջև միջպետական սահմանի սահմանազատման գործընթացն ավարտին հասցնելու ուղղությամբ»,- ասել է Փաշինյանը։